أهم الأسس التي يقوم عليها المنتديات ؟

هذا موضوع أعجبني في أحد المنتديات يطرح كاتبه أهم الأسس التي يقوم عليها المنتدى وقد صاغه كاتبه بأسلوب فيه شفافية وصراحة بعيدا عن إختيار الألفاظ المنمقة والتعبير بأسلوب التعقيد والكلفة...

*ماهو المنتدى ..!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ
فكيفك نجعل منتدانا هو الأفضل ؟
الحل بسيط

* اولاً : (( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب





* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))
وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل



* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز



*رابعاً : (( الكلمة السحرية ))
وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريئك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت يابعدي ماتكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو الي دايم يشارك ويحث الاعضاء على المشاركه ،، ياحبنيلك



*خامساً : (( محاربة الشليلة ))
وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل
ويسمى العضو الي كذا ،، قريح الطواعين



*سادساً : (( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، ياطيب القلب وينك

*سابعاً: (( لاتصير خفيف وثقل ))

يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ،، ويالله يالله نرد على نص مواضيعه ولا نلحق
وهذا يسمى العضو ،، الغثيث

*ثامناً: (( التقليل من المشاكل وحوادث السيارات ))
يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي ،، بالعربجي وولد عم بليس من الرضاع

*تاسعاً: (( خلك ذرب يالمطفوق ))
يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله حذفه ويرد رد زي وجهه ،، الموضوع في شمال في العليا وهو يرد شرق في الصمان ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )
ويسمى العضو الي يرد برد في جهه والموضوع في جهه ،، حويل دجه


* وأخيراً *

المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله عليه افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة عليه السلام (( المؤمن للمؤمن كالبنيان يشد بعضه بعضا )

وتقبلوا تحياتي..